Националната федерација на фармери е против зголемување на акцизата за горива

Националната федерација на фармери е против зголемување на акцизата за горива

Средба на земјоделците со ЕУ делегацијата во РМ во Преспа
Жените, сексуалните и родовите малцинства во Македонија се дискриминирани во сите сфери на живеење и нивните права не се почитуваат
Честит 8ми Март

Националната федерација на фармери е против зголемување на акцизата за горива

Националната федерација на фармери е против предлогот за зголемување на акцизата на горивата, со цел како што е наведено  од бизнисмените да се обезбедат дополнителни средства во Буџетот на РСМ.

„Ние сметаме дека со ваквата одлука ќе бидат погодени земјоделските стопанства, кои во моментот извршуваат активна земјоделска работа на поле и тоа сигурно ќе доведе не само до поскапување на горивото, туку и на суровините за производство, средствата за заштита на растенијата, семињата кои се неопходни за производството.

Во контекст на нашиот став сакаме да истакнеме дека треба да се земе во предвид фактот дека 180 000 семејства егзистират од земјоделството во Република Северна Македонија и 45% од македонското население живее во рурални средини, кои зафаќаат 87% од вкупната површина на државата“, потенцира Васка Мојсовска претседателка на НФФ.   

Ова барање за зголемување на акцизата за горивата до владините институции е  предложено од Стопанската комора, која го дава овој предлог гледано низ призмата на своите потреби интереси, без да се погледне пошироката сликата и да се види штетата која ќе се направи на домаќинствата,  земјоделските стопанства ,малите и средни претпријатија, работничката класа, кои исто така на својот грб ги трпат негативните последици од настаната здравствена – економска криза во државата и тие најмногу се погодени од сиромаштијата. Ваквите кризи  ги втурнуваат луѓето во сиромаштија, така што доколку ваквата одлука е прифатена од Владата ќе се смета за политика, која придонесува за  поттикнување на сиромаштијата.

COMMENTS