Награди за новинари кои пишуваат за невидливите

Награди за новинари кои пишуваат за невидливите

Среќен празник со надеж за подобри времиња за жените
Со светилки наградени новинарите од „невидливите“
ОГЛАС ЗА АДМИНИСТРАТИВЕН АСИСТЕНТ

Kомисијата која одлучува за доделување на „Награди за новинари кои пишуваат за невидливите“ организирано од МППС

Ружа Стоимилова, локалeн кординатор од Кочанскиот регион на МЖФ на Националната федерација на фармери е дел од комисијата која одлучува за доделување на „Награди за новинари кои пишуваат за невидливите“ организирано од Македонска платформа против сиромаштијата (МППС). Она што овој проект го прави уникатен е составот на жирито, односно улогата на членови во жирито ја имаат исклучиво луѓе кои имаат искуство со живот во сиромаштија.

„Жирито ги анализира и избира од пристигнатите стори од отворениот конкурс кој беше објавен неодамна и беше наменет за новинари кои се занимаваат со новинарство „одоздола“. Тоа се новинари кои пишуваат на социјални теми, поврзани со сиромаштија и социјална исклученост, и на тој начин им даваат глас на луѓето кои ретко имаат можност јавно да зборуваат за своите проблеми и се речиси општествено невидливи“, истакна Билјана Дуковска, претседател на Македонската платформа против сиромаштија.

Доделувањето на „Награди за новинари кои пишуваат за невидливите“ се случува за прв пат во Македонија. Активноста е во рамки на проектот „Journalism-prize goes international“ инициран од Австриската платформа против сиромаштијата, а финансиран од ЕРСТЕ Фондацијата.

Националната федерација на фармери се заблагодарува за поканата за учество и ја подржува ваквата активност на Македонската платформа против сиромаштоја бидејќи наградите имаат за цел промовирање на новинарство кое ги опфаќа многуте аспекти на сиромаштијата и социјалната исклученост, поддржуваат известување кое ги почитува граѓаните и внимава на нивното достоинство и изразуваат поддршка на новинарите кои им даваат видливост и гласност на граѓаните кои вообичаено не ги гледаме и слушаме. Конечната цел е да се доделат награди на општествено посветени новинари, кои внимаваат да не градат стереотипи и не се водат од сензационализам.

COMMENTS